بسم الله الرحمن الرحيم السلام A145f الجهاز دا منتشر بعيب مصنعي بيجي كتير لطاولة الصيانة وتقريبا العيب واحد
بس الاول ف بداية ظهور العطل كنا بنرفع الذاكرة والمعالج لحد م بقينا قادرين نحدد العطل بالظبط وهوا ضعف ف نقطتين واحيانا قطع وبيجي بسحب باور سبلاي من٨٥ ل٩٥ مللي امبير وعلي تيستر الشحن مفيش اي سحب
بداية خطوات العمل
انك بتطلع البوردة من الجهاز وتحط البطارية علي شاحن خارجي اختصارا للوقت ولتقليل احتماليات الخطأ اللي ممكن يكون موجود ف سوكت الشحن أو ضعف مصدر الطاقة المتمثل في البطارية
بعدها بنقص الجزء دا بس من الصاجة عشان يدينا براح في الرفع بشكل مستوي بدون ثني او قوس للذاكرة وهنتكلم بالتفصيل في النقطة دي
وبردو عشان. نحمي المعالج من اي خطر محتمل من حرارة زايدة أثناء العمل بعدها هنشتغل بدخول التول اللي عندك وهيا سلاح الرفع اللي يفضل ف الذاكرة والرام أنه يكون من اي شركة من اللي فيهم مشطوف ليزر من ادام والأطراف عشان تتفادي التجريح أثناء الدخول والحركة الجانبية الذاكرة دي في الموديل دا التركة بتاعتنا هنا انها تحتها جلو شفاف من الجانبين ١ و٢ ورفعك زي المعتاد من النص هيخليها اجباري تكون متنية من الأطراف بفعل جذب المادة الجيلاتينية ف هندخل السلاح من الناحية ١ وللاخر بدون رفع نهائي وبعدها ونخرج بردو بشكل مساوي لمستوي البودرة وهنا احنا خادمنا المساحة الموجودة للعمل دخول وخروج بعدها هندخل تاني من المكان ٢ للاخر ونطلع بنفس الشكل المساوي بدون رفع السلاح أو ثني الذاكرة نهائي هنا هيكون الجلو بشكل كبير جدا اتفتت ف هندخل من المكان ٣ وقبل م تكمل للاخر هتلاقي أنها طلعت معاك بكل سهولة وتكمل شغلك طبيعي جدا ودا أأمن تكنيك لرفع الذاكرة دي بدون ضرب تقسيم أو تلف الذاكرة فيه حالا لما جاتلي لقيتها ضاربة تقسيم وف حالات بتوصلني تالفة نهائي وف حالات بتكون الرام هيا اللي تلفت اغلب النتائج دي سببها الحرارة والرفع بالثني أو النطر يارب اكون قدمت حاجة مفيدة وان شاء الله المرة الجاية هنتكلم عن ريبير الايمي للجهاز دا ف حالة أنه تلف ذاكرة أو اتغيرت أو مفيش اي ملفات شبكة تكلمنا عن الرفع والتنزيل والعيب نفسه وسحبته واتمنى اكون وفيت النهاردة هنتكلم بقا عن حالة هيكون فيها مشكلة ف الذاكرة وازاي هنشتغل عليها عشان نقدر نشغل الجهاز ونعمل بعدها ريبير ايمي بدون مشاكل باستخدام الكيميرا بالنسبة للذاكرة سواء بتاع الجهاز او غيرناها أو عملنا ابديت فريموير لازم تكون كلين rpmb هنا عندهل علي واجهة البلص ٢ ونعمل كونكت وزير الصورة رقم ١ هنختار ادريسات الاقلاع الخاصة بيه ك اكزينوس بعدها هنفتح وتبويت فيندور زي الصورة ٢ ونختار الفيندور سامسونج بعدها هنختار زي الصورة ٣ هتفتح نافذة منبثقة هتختار منها ملف csc من فلاشة رسمية نفس اللي كانت علي الجهاز أو أعلا أو لو متعرفش ف هتنزل فلاشة أعلا حماية تجنباً لاي مشاكل محتملة بعدها زي الصورة ٤ هتضغط دابل كليك علي المكان الموضح وتختار ملف bl من نفس الفلاشة بعدها هتلاقي تقسيم الفلاشة ظهر ف هتختار ملف efs CP efs Sec efs وتضغط علي كل واحد فيهم دابل كليك وتختار الملف اللي بنفس الاسم من الفولدر اللي مرفق مع البوست لينك تحميله بعدها هتضغط علي كتابة زي الصورة الأخيرة بالظبط مع التعليم علي اوبشن إعادة التقسيم وهنا الذاكرة بتاعتك جاهزة للتنزيل وتفتح علي داونلود مود
https://mega.nz/file/YLZn0BZK#R_xt_iM5s_gldqSdPH7iw6KnNpY3p-asp3R-uQUACKY
